Qytetarët janë mbledhur sot, më 19 nëntor, para Kryeministrisë, ku po vazhdojnë protestën me kërkesën për dorëheqjen e kryeministrit Edi Rama.
Protestuesit qëndrojnë në vendin e tubimit
Protestuesit kanë deklaruar se nuk do të largohen nga sheshi derisa të plotësohet kërkesa e tyre kryesore, të cilën e kanë shprehur që nga 31 maji.
Ata vazhdojnë të qëndrojnë përpara godinës së Kryeministrisë, pavarësisht thirrjeve të policisë për t’u shpërndarë.
Policia nis largimin e protestuesve
Sipas aktit normativ të qeverisë, policia nuk i lejon protestuesit të qëndrojnë në bulevard, por qytetarët kanë vendosur ta vazhdojnë tubimin e tyre.
Policia filloi të largojë protestuesit nga Bulevardi, ndërsa situata u tensionua në momentin e ndërhyrjes, ku pati përplasje mes protestuesve dhe efektivëve.
Këta të fundit hodhën spray lotsjellës ndaj protestuesve, ndërsa sipas raportimeve, protestuesit nuk po kryenin veprime shqetësuese.
Burimi: lajmifundit.al










