Filloi si një protestë kundër qeverisë, por përfundoi si një protestë kundër njëri-tjetrit. Halloweeni i Tiranës nuk kishte shumë maska, por kishte shumë ngjyra të forta, blu kundër të kuqve.
Protesta e Berishës dhe ajo e Arlindo Qorit
Berisha i drejtoi demokratët blu në bulevard, ndërsa në të njëjtën orë Arlindo Qori kishte çuar brigadën e kuqe te Ministria e Arsimit.
Bulevardi nuk mjaftoi, kështu që demokratët e udhëhequr nga Flamur Noka shkuan të zinin edhe sheshin përpara Ministrisë së Arsimit. Por atje Berishën nuk e njohin as si opozitë.
“Opozita jemi ne!”
“Parti demokratike, si u shite gjithë këto vite!”
Përplasja mes protestuesve
Protestuesit te Ministria e Arsimit kërkuan largimin e deputetëve të PD, ndërsa eksponentë demokratë shkaktuan një përplasje mes protestuesve.
Tashmë nuk e kanë më me Ramën, e kanë me njëri-tjetrin. Berisha qartazi kërkon vendin e dytë, ndërsa opozita jo e Berishës, ajo e Arlind Qorit dhe e grupeve të tjera të vogla, kishte vetëm një kërkesë.
“Berisha n’burg, Berisha n’burg, Berisha n’burg”
Burimi: abcnews.al
