Kalo te përmbajtja

Lajme të shpejta, të verifikuara dhe të paanshme

Lajm i fundit
Politikë

Gjykata e Durrësit vendos masën për dy të arrestuar për vezët ndaj eskortës së Ramës

Gjykata e Durrësit vendos masën për dy të arrestuar për vezët ndaj eskortës së Ramës
Foto: top-channel.tv

Seanca për caktimin e masës së sigurisë ndaj dy protestuesve të arrestuar pas incidentit me eskortën e kryeministrit Edi Rama pritet të zhvillohet në Gjykatën e Durrësit.

Albi Dema dhe Edison Likaj u arrestuan nga Policia të shtunën, pasi dyshohet se morën pjesë në protestën në zonën e Manzës, ku u hodhën vezë dhe sende të forta drejt automjeteve të eskortës së kryeministrit.

Ndërkohë, pranë ambienteve të gjykatës kanë mbërritur edhe mbështetës të dy protestuesve, në pritje të vendimit për masën e sigurisë.

Ngjarja u regjistrua më 14 nëntor, në fshatin Kameras, në aksin rrugor Maminas–Gjiri i Lalzit, ku një grup protestuesish tentoi të bllokonte rrugën dhe qëlloi me vezë e sende të forta drejt automjeteve të personaliteteve të larta shtetërore.

Burimi: top-channel.tv

Të fundit Të gjitha