Peshëngritësja kosovare Emily Ibanez Guerrero ka arritur një sukses të jashtëzakonshëm në Kampionatin Botëror të Peshëngritjes për të rritur, që po zhvillohet në Ningbo, Kinë.
Rezultati i Emily-t në garë
Vetëm 15 vjeçe, Emily u rendit e pesta në kategorinë deri në 69 kilogramë, me një total prej 240 kilogramësh në dygarësh. Ajo ngriti 106 kilogramë në shkëputje dhe 134 kilogramë në shtytje.
Rekordet botërore për të reja
Përveç renditjes së lartë mes peshëngritësve më të mirë të botës, talentja kosovare vendosi shtatë rekorde botërore për të reja. Ajo i përmirësoi rezultatet në të tria disiplinat: shkëputje, shtytje dhe dygarësh.
Emily ishte garuesja më e re e këtij kampionati. Paraqitja e saj vërteton edhe një herë potencialin e madh që ka në peshëngritje.
Komiteti Olimpik i Kosovës ka përgëzuar sportisten, trajnerët e saj dhe Federatën e Peshëngritjes së Kosovës për këtë arritje të rëndësishme në arenën ndërkombëtare./KultPlus.com
Burimi: kultplus.com
