“Kur Zoti vendos të kryejë një mrekulli, asgjë nuk është e pamundur”. Ky është mesazhi që Erion Vishkulli ka përcjellë nga Italia, ku po merr trajtim pas lëndimit të rëndë në sy gjatë protestës së 24 tetorit në Tiranë.
Erion Vishkulli pas operacionit në Romë
Të rinjtë 28-vjeçar nga Elbasani ka publikuar një fotografi ku shfaqet me syrin e pambyllur, një ditë pas ndërhyrjes në klinikën “Gemelli” në Romë.
Vishkulli u lëndua gjatë protestës nga një objekt që dyshohet të ketë qenë plumb gome. Në fillim ai mori ndihmë mjekësore në Spitalin e Traumës, ndërsa më pas u dërgua në Itali.
Ndërhyrja kirurgjikale dhe fondi qeveritar
Një ditë më parë, ai iu nënshtrua një ndërhyrjeje kirurgjikale, e cila, sipas ministres së Shëndetësisë, Klodiana Spahiu, përfundoi me sukses. Mjekët arritën të shpëtonin syrin, ndërsa rikuperimi i shikimit do të kërkojë kohë dhe trajtime të mëtejshme.
Për mjekimin e tij qeveria miratoi edhe një fond prej 5 mln lekësh.
Burimi: tirananews.al
