Hapja e basteve online shtyhet përsëri, ndërsa qeveria rishikon ligjin për të forcuar mbikëqyrjen dhe për të parandaluar problemet sociale. Ministri i Financave, Petrit Malaj, i tha Komisionit të Ekonomisë se, edhe pse kuadri ligjor dhe vendimet përkatëse të Këshillit të Ministrave janë përfunduar, bastet online do të hapen vetëm pas përfundimit të këtij rishikimi.
“Qeveria po e rishikon edhe një herë ligjin për të pasur një mbikëqyrje të kujdesshme, që të mos krijohen probleme sociale. Pasi të mbarojë rishikimi i ligjit aktual, do të fillojë operimi i lojërave të fatit”, tha Malaj.
Kuadri ligjor për bastet sportive online u plotësua me të gjitha aktet nënligjore 28 muaj pas miratimit të ligjit në shkurt 2024, por konkurrimi për licencat ende nuk është hapur. Ligji parashikon dhënien e 10 licencave dhe lejon pjesëmarrjen vetëm online, me identifikim përmes kartës së identitetit. Pikat fizike të basteve u mbyllën më 1 janar 2019.
Kritika për humbjen e të ardhurave
Deputetja Cara kritikoi situatën e deritanishme, duke thënë: “Prej 7 vitesh në buxhetin e shtetit nga bastet nuk ka hyrë asnjë e ardhur, nuk i keni të ligjëruara, dhe sot është plotësisht informale. Të gjithë këtë faturë po ia faturoni biznesit të ndershëm.”
Burimi: lajmifundit.al
