Ngjarja në lagjen “Spagnolo”
Një ngjarje e rëndë ka ndodhur në Itali, ku një shtetas shqiptar, 61-vjeçar, ka humbur jetën gjatë kryerjes së punës. Ngjarja tragjike është regjistruar në lagjen “Spagnolo” të qytetit të Leçes.
Viktima është identifikuar si Bashkim Rushani, 61 vjeç, i cili ishte pronar i një kompanie ndërtimi. Sipas të dhënave të para nga vendngjarja, ai ka vdekur menjëherë pasi është shtypur nga një portë metalike që ra papritur mbi të.
Reagimi i ekipeve të ndihmës dhe hetimi
Menjëherë pas njoftimit të ngjarjes, ekipet e ndihmës mjekësore arritën me urgjencë në vendin e incidentit. Pavarësisht mbërritjes së shpejtë, plagët ishin të rënda dhe mjekët mundën vetëm të konfirmojnë vdekjen e 61-vjeçarit.
Në vendngjarje kanë mbërritur edhe policia vendore dhe inspektorët e punës, të cilët kanë nisur hetimet për të zbardhur plotësisht dinamikën e këtij aksidenti fatal.
Burimi: lajmifundit.al
