Kalo te përmbajtja

Lajme të shpejta, të verifikuara dhe të paanshme

Lajm i fundit
Teknologji

Misteri i pikave të kuqe në univers: shkencëtarët zbulojnë çfarë fshihet pas tyre

Misteri i pikave të kuqe në univers: shkencëtarët zbulojnë çfarë fshihet pas tyre
Foto: pressonline.al

Për vite me radhë, disa pika të vogla të kuqe, të fotografuara në thellësitë e universit, kanë habitur astronomët. Tashmë, një studim i ri mund të ketë zbuluar sekretin e një prej fenomeneve më misterioze të vëzhguara nga teleskopi hapësinor James Webb.

Vrimat e zeza si shpjegim i mundshëm

Shkencëtarët dyshojnë se këto pika jashtëzakonisht të ndritshme janë në të vërtetë vrima të zeza supermasive, të formuara në fazat e hershme të universit.

Sipas studimit të drejtuar nga Pierluigi Rinaldi, në Observatorin Steward të Universitetit të Arizonës, këto vrima të zeza mund të thithin gaz me një shpejtësi aq të madhe, sa mbështillen nga shtresa të dendura materieje.

Pikërisht kjo mbështjellje mund të ndryshojë dritën që emetojnë, duke krijuar ngjyrën karakteristike të kuqe. Sipas të dhënave të teleskopit James Webb, objektet misterioze u shfaqën në numër të madh rreth 600 milionë vjet pas Big Bengut, ndërsa prania e tyre u zvogëlua ndjeshëm rreth 1.5 miliardë vjet më vonë.

Galaktika Saguaro si model

Për të kuptuar fenomenin, studiuesit analizuan galaktikën spirale Saguaro, e cila ka një bërthamë të kuqe, kompakte dhe shumë të ndritshme.

Ata simuluan pamjen e saj në një distancë shumë më të madhe, duke zbuluar se krahët e galaktikës do të bëheshin të padukshëm dhe do të mbetej vetëm bërthama e ndritshme, e ngjashme me pikat misterioze. Megjithatë, astronomët theksojnë se nevojiten studime të mëtejshme për të konfirmuar përfundimisht natyrën e këtyre objekteve kozmike.

Burimi: pressonline.al

Të fundit Të gjitha