Kalo te përmbajtja

Lajme të shpejta, të verifikuara dhe të paanshme

Lajm i fundit
Të ndryshme

Rama: Buxheti 2027 është historik, por jemi në borxh me pensionistët

Rama: Buxheti 2027 është historik, por jemi në borxh me pensionistët
Foto: abcnews.al

Kryeministri Rama mblodhi këtë të shtunë Asamblenë e PS-së, duke shënuar nisjen e fushatës elektorale për zgjedhjet lokale të vitit 2027 në bashkinë e Tiranës.

Buxheti dhe ulja e TVSH-së

Rama tha se për herë të parë buxheti do të kapërcejë pragun e 10 miliardë eurove, falë një ekonomie që rritet në mënyrë të qëndrueshme. Sipas tij, kjo është vlerësuar nga të gjitha institucionet, përfshirë BE-në, e cila shpreh konsiderata të larta për ekonominë e vendit.

Ai theksoi se rritja ekonomike duhet të përkthehet në përmirësim të drejtpërdrejtë të jetesës së qytetarëve, veçanërisht të familjeve, çifteve të reja dhe pensionistëve. Sipas planit të buxhetit të vitit 2027, TVSH-ja për 54 produkte të shportës do të ulet në 6 për qind.

Pensionet dhe indeksimi

Rama shtoi se buxheti i vitit 2027 përpiqet t’u japë përgjigje pyetjeve për kostot e jetesës, strehimin dhe pensionet. Ai përmendi edhe një borxh moral ndaj pensionistëve, duke e cilësuar atë si detyrim të shoqërisë dhe shtetit. Indeksimi i pensioneve, tha ai, do të afrohet në muajin prill.

Burimi: abcnews.al

Të fundit Të gjitha