Drejtoria Rajonale e Policisë njoftoi se është gjetur 13-vjeçari I.Q., i cili ishte raportuar i zhdukur më 1 nëntor 2026.
I mituri ishte larguar nga strehimorja në fshatin Dardani të Ferizajt, ku qëndronte nën kujdesin e Qendrës për Punë Sociale.
Gjetja e të miturit në Ferizaj
Sipas njoftimit, pas punës së hetuesve rajonalë dhe bashkëpunimit me Qendrat për Punë Sociale në Ferizaj dhe Deçan, më 5 nëntor 2026, rreth orës 00:15, disa qytetarë e panë të miturin pranë një qendre tregtare në Ferizaj dhe e çuan në stacionin policor të qytetit.
Pas intervistimit nga hetuesit dhe përfaqësuesit e QPS-së, 13-vjeçari u vendos përkohësisht në një strehimore të sigurt, derisa institucionet kompetente të gjejnë një zgjidhje.
Burimi: www.albeu.com
