Trajneri i Kombëtares shqiptare, Rolando Maran, foli për shtyp në prag të ndeshjes së rëndësishme ndaj Finlandës, e cila është e vlefshme për Ligën e Kombeve.
Besimi i tifozëve dhe përgjegjësia e skuadrës
Maran vlerësoi praninë e madhe të tifozëve në stadium, duke theksuar se besimi i tyre duhet të kthehet në përgjegjësi dhe përkushtim maksimal nga skuadra.
Shqipëria do të përballet me Finlandën më 12 nëntor, në orën 20:45, në stadiumin “Air Albania”, në një sfidë ku kuqezinjtë synojnë të marrin një rezultat pozitiv dhe të ruajnë pozitat në krye të Grupit C1.
“Fakti që janë kaq shumë në stadium do të thotë se ata besojnë. Te djemtë kam parë një dëshirë të madhe për të mbajtur këto vlera. Unë i vlerësoj shumë tifozët dhe besimin që kanë te ne. Këtë krenari të madhe që kanë tifozët ta transmetojmë në fushë me përgjegjësi të madhe, sepse përfaqësojmë diçka të madhe, siç është kombi.
Bindja dhe motivimi i lojtarëve
Duhet të jemi të bindur në atë që mund të bëjmë ne dhe jo në atë që thonë të tjerët. Unë jam i bindur për atë që kam parë te skuadra. E rëndësishme është çfarë transmetojmë në fushë. Stadiumi plot është stimul për ne.
Elementi më kryesor është që lojtarët të jenë të motivuar. Për secilin prej tyre është diçka specifike që të dalin nga fusha pasi kanë lënë ‘zemrën në të’. Rezultatit nuk i dihet, por nëse i ke bërë këto, përqindja e suksesit dihet.”
Burimi: tirananews.al
