Arsenal po punon për të siguruar të ardhmen afatgjatë të lojtarëve të tij kryesorë. Pas Declan Rice, lojtari tjetër që pritet të rinovojë kontratën me “Topçinjtë” është David Raya. Sipas Fabrizio Romano, portieri spanjoll ka arritur një marrëveshje verbale me klubin londinez për ta zgjatur kontratën deri në qershor të vitit 2030.
Një lajm i rëndësishëm për Arteta
Ky zhvillim i jep Mikel Arteta-s mundësinë të mbështetet edhe për vite të tjera te një nga shtyllat kryesore të skuadrës së tij. Të gjitha detajet kryesore të marrëveshjes së re janë finalizuar dhe nënshkrimi i kontratës pritet të ndodhë së shpejti.
Rritje page dhe hapi final
Marrëveshja përfshin një rritje page për portierin spanjoll, gjë që pasqyron rëndësinë e tij në rritje për projektin sportiv të “Topçinjve”. Tani mbetet vetëm hapi formal, përpara se klubi të bëjë njoftimin zyrtar.
Rinovimi i Raya është pjesë e një strategjie të klubit të Premier League për të garantuar vazhdimësinë e projektit të suksesshëm të Mikel Arteta-s, duke mbajtur në ekip lojtarët e tij më të rëndësishëm.
Burimi: telesport.al










