Stina e vjeshtës ofron pjata bujare dhe shije të pagabueshme. Me ngjyra dhe aroma unike që zbukurojnë tryezat, këto receta të sezonit janë një kombinim ideal i perimeve si kërpudhat, kungujt apo patatet, deri te frutat, të cilat përshtaten me erëzat vjeshtore. Ja disa pjata që do të doni t’i gatuani përsëri.
Sallatë me bullgur, rrush të thatë dhe bajame
Përbërësit: 200 g bulgur, 200 g rrush i thatë, 150 g bajame, 1 tufë kopër, 50 ml vaj ulliri, 2 lugë salcë soje, 1 limon, 1 majë piper i zi i bluar
Përgatitja: Vendosni bullgurin në një tenxhere me ujë dhe një majë kripe. Mbulojeni dhe ziejeni në zjarr të ngadaltë derisa lëngu të avullojë. Skuqni bajamet në një tigan për rreth 10 minuta, pastaj lërini të ftohen dhe pritini trashë. Hidheni bullgurin e ngrohtë në një tas të madh, shtoni vajin, lëngun e limonit, salcën e sojës, bajamet dhe përzieni bashkë. Shpëlani dhe thani rrushin e thatë dhe koprën. Grijeni imët koprën dhe shtojeni në sallatë.
Burimi: bordo.al
