Demi Lovato ka qetësuar fansat duke u shprehur se gjendja e saj është në rregull, pasi përjetoi atë që mund të ketë qenë një reagim alergjik.
Të hënën në mbrëmje, këngëtarja ndau një fotografi në “Instagram Stories”, ku shfaqej me një injeksion intravenoz në krah dhe me një byzylyk spitali.
Në mbishkrimin e fotos, Demi shkroi: “Pra, tani ose jam alergjike ndaj frutave të pasionit ose ndaj sushit!”
Megjithatë, pasi disa fansa shprehën shqetësim, ajo dha një mesazh se ndihet mirë.
Alergjitë e mëparshme të Demi Lovato
Më herët, Demi kishte bërë të ditur se ishte alergjike ndaj qimeve të kafshëve shtëpiake.
“Nuk jam alergjike ndaj të gjitha kafshëve, vetëm ndaj maceve dhe qenve. Ndonjëherë kam një reagim të fortë alergjik ndaj qenve, ndonjëherë jo”, tha ajo për BuzzFeed në vitin 2013. “Por sa për macet, nëse jam 10 metra larg tyre, do të tmerrohem. Do të jem në dhomë me dikë dhe do të kem një sulm alergjie e do të pyes, ‘A ke mace?’ dhe ata do të përgjigjen, ‘Po, si e kuptove?’”
Albumi dhe turneu i fundit
Demi ka pasur një vit të ngjeshur, pasi publikoi albumin e saj të nëntë “It’s Not That Deep”.
34-vjeçarja më pas nisi një turne në Amerikën e Veriut për të mbështetur projektin, i cili zgjati nga prilli deri në maj.
Burimi: indeksonline.net
