Shtatë fëmijë që frekuentojnë Kopshtin nr. 10 në Vlorë kanë kërkuar ndihmë mjekësore në pediatri. Mbrëmjen e kaluar ata shfaqën dhimbje barku dhe të vjella të vazhdueshme, ndërsa dyshimet e para lidhen me një helmim të mundshëm nga ushqimi.
Pesë fëmijë të shtruar për trajtim
Pesë prej fëmijëve të paraqitur në spital janë shtruar dhe vazhdojnë të marrin trajtim. Prindër të tjerë kanë konfirmuar se edhe fëmijët e tyre patën simptoma të ngjashme, por u dhanë ndihmë në shtëpi dhe nuk i dërguan në spital.
Njoftimi i Institutit të Shëndetit Publik
Spitali ka njoftuar Institutin e Shëndetit Publik pas paraqitjes së rasteve. Specialistët kanë marrë mostrat përkatëse dhe po priten rezultatet e analizave për të përcaktuar shkakun e problemeve shëndetësore, si dhe për të sqaruar nëse bëhet fjalë për helmim nga ushqimi.
Burimi: www.albeu.com
