Presidenti Donald Trump tha se u takua të enjten me Kirill Dmitriev, një të dërguar special të Presidentit rus Vladimir Putin, por jo me delegacionin ukrainas që ndodhej në Shtëpinë e Bardhë për bisedime me Zonjën e Parë Melania Trump.
Deklaratat e Trump për luftën
Duke folur me gazetarët në Shtëpinë e Bardhë, presidenti amerikan vlerësoi se lufta midis Rusisë dhe Ukrainës është shumë afër përfundimit, duke argumentuar se zgjidhja e konfliktit mund të përfshijë të gjithë Evropën.
“Do të ketë një marrëveshje. Do të jetë një marrëveshje e madhe dhe do të përfshijë më shumë sesa vetëm Ukrainën. Madje mund të them se mund të përfshijë të gjithë Evropën. Do të jetë një marrëveshje e madhe, e shkëlqyer dhe të gjithë do të jenë të entuziazmuar”, tha Trump.
Reagimi i Bashkimit Evropian
Pas fitores dërrmuese të demokratëve në zgjedhjet e mesit të mandatit në SHBA, shefja e politikës së jashtme të Bashkimit Evropian, Kaia Kallas, shprehu pritjen se Kongresi i rinovuar do të ushtronte “presion më të madh mbi Rusinë”.
Burimi: euronews.al
