Kalo te përmbajtja

Lajme të shpejta, të verifikuara dhe të paanshme

Lajm i fundit
Politikë

SPAK regjistron procedim penal për vjedhjen e 700 mijë eurove në Postën e Durrësit

SPAK regjistron procedim penal për vjedhjen e 700 mijë eurove në Postën e Durrësit
Foto: shqiptarja.com

Prokuroria e Posaçme ka regjistruar procedimin penal për dosjen e zhdukjes së 69 milionë lekëve të rinj nga filiali i Postës Shqiptare në Durrës, pas shpalljes së moskompetencës nga Prokuroria e Durrësit. Këtë të enjte, 19 nëntor, në SPAK u hodh shorti ku u caktua edhe prokurori që do ta marrë në shqyrtim çështjen.

Shkaku i lëvizjes dhe dyshimet

Shkak për këtë lëvizje janë dyshimet se përvetësimi i shumës, e cila arrin vlerën e rreth 700 mijë eurove, mund të jetë kryer nga një grup i strukturuar kriminal. Sipas burimeve, hetimet mund të shtrihen edhe drejt ish-zyrtarëve, të cilët aktualisht gëzojnë imunitet parlamentar. Megjithatë, pavarësisht përpjekjeve për të mësuar emër apo emra konkret, nuk u dha konfirmim zyrtar.

Si u zbulua ngjarja

Ngjarja u zbulua pas një kontrolli të brendshëm të Postës Shqiptare. Rezultoi se gjatë muajve prill dhe maj të këtij viti, 69 milionë lekë ishin regjistruar si transferta drejt degëve të Shijakut dhe Krujës, por nuk kishin mbërritur kurrë në destinacion.

Sipas dosjes hetimore, bëhet fjalë për 11 mandat-pagesa. Pamjet e kamerave të sigurisë kanë dokumentuar lëvizjen e shumave të parave nga arka drejt zyrave të drejtuesve të filialit.

Personat e arrestuar dhe të dyshuarit

Për këtë çështje janë arrestuar ish-drejtoresha Elisabeta Mataj, ish-shefja e financës Valbona Duni dhe arkëtarja Paola Dana. Dyshohet e përfshirë edhe deputetja e PS, Etleva Budini, ish-drejtoreshë e Postës Shqiptare në Durrës.

Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.

Lajmi në përditësim….

Burimi: shqiptarja.com

Të fundit Të gjitha