Këngëtarja amerikane Mariah Carey është konfirmuar si një nga emrat kryesorë të festivalit muzikor “Live at Powderham”, që do të mbahet në qershor të vitit 2027 në Powderham Castle, në Devon të Anglisë.
Organizatorët kanë bërë të ditur se bukuroshja do të performojë më 27 qershor 2027, si pjesë e turneut të saj veror “Firefly”, së bashku me grupin britanik Sugababes, ndërsa si të ftuar special do të jetë edhe grupi R&B, Eternal.
Lista e artistëve të festivalit
Interpretuesja e hiteve “All I Want For Christmas Is You” dhe “Love Takes Time” i bashkohet kështu listës së artistëve kryesorë, ku tashmë janë konfirmuar edhe Shania Twain, e cila do të performojë më 24 qershor, dhe Alex Warren, që do të ngjitet në skenë më 26 qershor.
Karriera dhe performancat e fundit
Mariah Carey konsiderohet një nga artistet më të suksesshme në historinë e muzikës pop, me më shumë se 19 këngë që kanë arritur vendin e parë në listën Billboard Hot 100, më shumë se çdo artiste tjetër solo në histori.
Paraqitjet e saj të fundit përfshijnë edhe performancën në ceremoninë hapëse të Lojërave Olimpike Dimërore 2026 në Itali.
Festivali “Live at Powderham” tërhoqi më shumë se 140 mijë vizitorë gjatë katër ditëve të edicionit të vitit 2026, ku performuan artistë si Lewis Capaldi, Alanis Morissette dhe Teddy Swims.
Ndërkohë, organizatorët nuk e kanë bërë ende të ditur emrin e artistit të fundit që do t’i bashkohet listës së performuesve kryesorë të edicionit 2027./KultPlus.com
Burimi: kultplus.com
