Futbollisti 18-vjeçar, i cili ka përfaqësuar Shqipërinë në nivel ndërkombëtar, është takuar në Stuttgart me kryetarin e Federatës së Futbollit të Kosovës, Agim Ademi. Bisedimet raportohet se kanë qenë pozitive.
Enis Rexhepi dhe mundësia për Kosovën
Futbollisti i ri Enis Rexhepi mund të jetë një nga emrat që do të shqyrtojnë mundësinë e përfaqësimit të Kosovës në arenën ndërkombëtare, transmeton albinfo.ch.
18-vjeçari, i cili ka përfaqësuar Shqipërinë në nivel ndërkombëtar, është takuar të premten e kaluar në Stuttgart me kryetarin e Federatës së Futbollit të Kosovës (FFK), Agim Ademi.
Sipas informacioneve të bëra publike, bisedimet mes palëve kanë qenë shumë pozitive, ndërsa Rexhepi po e konsideron seriozisht mundësinë që në të ardhmen të përfaqësojë Kosovën.
Burimi: kultplus.com
