Në Bibliotekën Kombëtare të Kosovës “Pjetër Bogdani” është hapur ekspozita “Kosova e Kadaresë”, e kushtuar 90-vjetorit të lindjes së shkrimtarit të njohur shqiptar, Ismail Kadare.
Ekspozita evidenton lidhjen e veçantë të Kadaresë me Kosovën dhe angazhimin e tij intelektual ndaj saj. Përmes letrave, fotografive, dorëshkrimeve dhe botimeve, ajo dëshmon këtë marrëdhënie.
Mesazhi i Ministres
Ministrja e Kulturës dhe Turizmit, Saranda Bogujevci, ka theksuar se Kadare mbetet një nga figurat më të rëndësishme të letërsisë dhe kulturës shqiptare. Përmes veprës së tij, ka thënë ajo, letërsia shqipe ka hyrë në letërsinë botërore.
Ajo ka falënderuar Ambasadën e Republikës së Shqipërisë, Bibliotekën Kombëtare “Pjetër Bogdani” dhe Shtëpinë Studio Kadare për bashkëpunimin në realizimin e ekspozitës. Qytetarët janë ftuar ta vizitojnë dhe të njihen më nga afër me veprën dhe trashëgiminë e shkrimtarit./KultPlus.com
Burimi: kultplus.com
