Shtëllunga të mëdha tymi të zi kanë mbuluar pasditen e sotme zonën periferike të Elbasanit, si pasojë e një zjarri që ka përfshirë mbetje të depozituara përgjatë brigjeve të lumit Shkumbin.
Zjarri në brigjet e Shkumbinit
Pamjet e regjistruara me dron tregojnë tymin e dendur që ngrihet mbi zonë. Dyshohet se në mesin e mbetjeve të djegura mund të ketë goma automjetesh të përziera me materiale të tjera.
Ndërkohë raportohet se në vendngjarje ndodhen policia dhe shërbimi zjarrfikës, të cilët po punojnë për shuarjen e zjarrit.
Raste të ngjashme janë regjistruar edhe më parë në këtë zonë, ndërsa nuk bëhet e ditur nëse janë identifikuar personat përgjegjës.
Burimi: shqiptarja.com
