Pozicionimi i pothuajse të gjitha kombëtareve që do të marrin pjesë në short-in e kualifikimeve për Euro 2028 është përcaktuar.
Ende mbetet të vendoset vetëm një përfaqësuese për vazon e dytë dhe të tretë. Përgjigjen do ta japë ndeshja e Ligës së Kombeve mes Irlandës dhe Kosovës.
Dy ekipet do të përballen sonte në orën 20:45 në Dublin, në kuadër të Grupit B3 të Ligës së Kombeve, me synimin për të siguruar vendin në vazon e dytë.
Kosova renditet e dyta në grup me 6 pikë, një më shumë se Irlanda. Përfaqësueses së Kosovës i mjafton një barazim për ta ruajtur këtë pozicion, i cili do ta dërgonte atë në vazon e dytë të short-it për kualifikimet e “Euro 2028”.
Përveç kësaj, vendi i dytë në grup i garanton Kosovës pjesëmarrjen në playoff-in për ngjitjen në Ligën A të Ligës së Kombeve. Ndërkohë, pozita e tretë do të nënkuptonte qëndrimin në Ligën B dhe kalimin në vazon e tretë të short-it kualifikues.
“Dardanëve” nuk u përshtatet vetëm humbja ndaj Irlandës. Fitorja ose barazimi do t’u sigurojnë vendin e dytë në grup, bashkë me playoff-in për promovim në Ligën A dhe pozicionimin në vazon e dytë për short-in që hidhet muajin tjetër.
Burimi: www.albeu.com









