Komanda Evropiane e Shteteve të Bashkuara (EUCOM) ka nxjerrë një deklaratë ku thekson gatishmërinë ushtarake të SHBA-së në Evropë, duke vënë në dukje bashkëpunimin me aleatët dhe përdorimin e teknologjive të përparuara të mbrojtjes.
Stërvitjet e përbashkëta me partnerët evropianë
Në njoftimin e publikuar nga EUCOM theksohet se ushtria amerikane po kryen stërvitje të përbashkëta me partnerët evropianë, përfshirë ushtrime për kontrollin e trazirave me forcat hungareze dhe letoneze, manovra me mjete të blinduara, si dhe testimin e sistemeve të avancuara të mbrojtjes ajrore dhe të dronëve.
Sipas njoftimit, këto aktivitete kanë për qëllim forcimin e kapaciteteve luftarake dhe përgatitjen për përballimin e sfidave të sigurisë.
Forcimi i kapaciteteve luftarake
“Qoftë duke bashkuar forcat në stërvitje për kontrollin e trazirave së bashku me partnerët hungarezë dhe letonezë, duke u përballur në ushtrime masive të blinduara, apo duke testuar sisteme të avancuara të mbrojtjes ajrore dhe dronë, ne jemi vazhdimisht duke e forcuar kapacitetin tonë luftarak”.
“Nga toka e deri në qiell, ne jo vetëm që operojmë në teatrin evropian – ne e dominojmë atë krah për krah me aleatët tanë”.
Burimi: www.gazetaexpress.com
