E ftuar në emisionin “Live me Luizin”, Valbona Selimllari rrëfeu se ka rrahur djemtë që kanë guxuar t’i afrohen.
Kur moderatori Luiz Ejlli e pyeti se si do ta prezantonte veten, Valbona u shpreh se nuk ka qenë kurrë e mirë në prezantimin e vetes. Shtoi se është e qetë, por ka një personalitet shumë të fortë.
“O sa kam rrahur. Jam nga ’91 dhe ’97”, tha duke qeshur Selimllari.
Më pas, Luizi i përmendi një lajm që ka qarkulluar së fundmi për të, sipas të cilit ajo do të ishte dhunuar. Valbona e mohoi kategorikisht dhe tha se, në fakt, ajo i ka rrahur djemtë që kanë guxuar t’i afrohen.
“O Luiz, sa djem i kam rrahur, kurrë nuk ka ndodhur në jetën time të më dhunojë dikush. Nuk e di pse e bëjnë. Dy nga ato 3 djemtë që i kam rrahur, kanë guxuar të më afrohen”, tha ajo.
Nga aktrimi te paqja
Pjesë nga intervista:
Luizi: Ti ke studiuar aktrim, pse ndalove?
Valbona: Sepse vetëm një eksperiencë kam si aktore te Don Zhuan.
Luizi: Miset shquhen për paqe në botë, sa je ti për paqen?
Valbona: Ka disa momente shumë interesante. Te misi kur përfaqëson vendin tënd, do thuash disa gjëra, si paqja. Pa paqe nuk ka jetë. Po tani ka marrë një vlerë tjetër. Lutem për paqe shumë shpejt. Pa dashur mundohem ta shmang realitetin. Më dhemb shpirti. Po ta kisha në dorë me një shkop magjik do kisha zhbërë.
Luizi: Ku e gjen paqen?
Valbona: Na është prishur pak, kur je mama e 3 fëmijëve. Ata janë ata që ma marrin dhe ma sjellin prapë. Kam bërë një kompromis, ta marrin dhe të ma japin kur të duan.
Rrjetet sociale dhe komentet
Luizi: Si e ke raportin me rrjetet sociale?
Valbona: Nuk i shoh. Jam shumë pak aktive në Instagram, postoj shumë rrallë. Tashmë me gjithë këtë informacion më dhemb shpirti. Kam bërë një gjë shumë të mirë, kam ndryshuar algoritmin.
Luizi: Te një postim i fundit ke mbyllur komentet, ç’ndodhi?
Valbona: Janë shqetësuar djemtë. Unë nuk i lexoj, por e ndjej se kur ka diçka që nuk shkon dhe cenon fëmijët.
Luizi: Doli një lajm së fundmi që thoshte se Valbona Selimllari është dhunuar.
Valbona: O Luiz, sa djem i kam rrahur, kurrë nuk ka ndodhur në jetën time të më dhunojë dikush. Nuk e di pse e bëjnë. Dy nga ato 3 djemtë që i kam rrahur, kanë guxuar të më afrohen.
Burimi: top-channel.tv
