Katër persona janë arrestuar në tri lokacione të ndryshme në Kosovë, nën dyshimin për përfshirje në veprimtari penale që lidhen me narkotikët.
Operacioni në Prishtinë, Gjakovë dhe Mutivodë
Sipas njoftimit të Policisë së Kosovës, operacioni u zhvillua dje në mesditë në Prishtinë, Gjakovë dhe në pikën kufitare në Mutivodë.
Gjatë operacionit, policia ka arrestuar katër persona, shtetas të Kosovës, ndërsa gjatë kontrolleve ka gjetur dhe konfiskuar 14 kilogramë e 815 gramë marihuanë.
Sekuestrimi i mjeteve dhe parave
Përveç substancave narkotike, policia ka sekuestruar edhe katër telefona celularë, dy pistoleta, 62 fishekë, si dhe 9 mijë e 120 euro dhe 350 franga zvicerane.
Të dyshuarit pas intervistimit me vendim të prokurorit janë dërguar në mbajtje.
Burimi: www.gazetaexpress.com










