LARNAKA, 13 nëntor 2026 /ATSH/ – Asambleja e Përgjithshme e Aleancës Evropiane të Agjencive të Lajmeve (EANA), e mbajtur në Larnaka të Qipros, vendosi përjashtimin e agjencisë ruse të lajmeve TASS nga organizata dhe pranimin e agjencisë lituaneze të lajmeve, ELTA, si anëtare të re të Aleancës.
Me këtë vendim, ELTA bëhet anëtarja e 34-t e EANA-s, e cila bashkon agjenci lajmesh nga vende të ndryshme të Evropës, mes të cilave edhe Agjencia Telegrafike Shqiptare (ATSH).
Konferenca në Larnaka
Vendimet u morën në kuadër të Konferencës së EANA-s, të zhvilluar më 11–13 nëntor në Larnaka, nën temën “Agjencitë e lajmeve dhe gjeopolitika – konteksti dhe trajtimi i çështjeve të ndjeshme”, organizuar nga Agjencia e Lajmeve e Qipros (CNA).
Konferenca shënoi 70-vjetorin e themelimit të EANA-s, e krijuar më 21 gusht 1956 në Strasburg.
Roli i Aleancës
Aleanca është një forum bashkëpunimi dhe shkëmbimi përvojash mes agjencive evropiane të lajmeve, me seli në Bernë të Zvicrës.
Burimi: ata.gov.al
