Kalo te përmbajtja

Lajme të shpejta, të verifikuara dhe të paanshme

Lajm i fundit
Të ndryshme

Mbi 600 gra të vrara në Afrikën e Jugut brenda tre muajve

Mbi 600 gra të vrara në Afrikën e Jugut brenda tre muajve
Foto: abcnews.al

581 gra janë vrarë në Afrikën e Jugut gjatë periudhës korrik–shtator të këtij viti, sipas statistikave më të fundit të krimit të publikuara nga autoritetet vendase. Shifrat dëshmojnë përmasat e rënda të dhunës ndaj grave në vend.

Trupat e grave të gjetura në Johanesburg

Mes viktimave janë edhe 13 gra, trupat e të cilave, pjesërisht të zhveshur dhe me shenja dhune, u gjetën të hedhur në hapësira publike në Johanesburg dhe zonat përreth. Rastet shkaktuan reagime të forta publike dhe ushtruan presion mbi policinë për identifikimin dhe arrestimin e autorëve.

Ngjarja e rëndë në Free State

Situata u rëndua edhe më tej pas një tjetër ngjarjeje të rëndë në provincën Free State, ku pesë gra dhe një fëmijë i mitur u vranë me armë zjarri në fillim të kësaj jave. Sipas statistikave të publikuara të premten, nga 581 gratë e vrara në të gjithë vendin, 131 prej tyre u regjistruan në provincën Gauteng, ku ndodhet edhe Johanesburgu.

Afrika e Jugut përballet prej vitesh me nivele të larta të vrasjeve dhe dhunës me bazë gjinore, ndërsa rastet e fundit kanë rikthyer në qendër të vëmendjes nevojën për masa më të forta për mbrojtjen e grave dhe luftën kundër dhunës.

Burimi: abcnews.al

Të fundit Të gjitha