Interi është gati ta blindojë Carlos Augusto, një nga lojtarët më të rëndësishëm të skuadrës së Cristian Chivu. Braziliani dallohet për polivalencën e tij, pasi mund të luajë në të gjitha pozicionet e mbrojtjes: si qendërmbrojtës në linjën me tre mbrojtës, ashtu edhe si mbrojtës anësor në të gjithë krahun.
Kontributi në mbrojtje dhe sulm
Përveç sigurisë në prapavijë, Carlos Augusto ka dhënë kontribut edhe në sulm, duke shënuar gola me peshë në kampionat dhe në Champions League. Sipas gazetës “Corriere dello Sport”, drejtuesit zikaltër, me Marottën dhe Baccin në krye të negociatave, janë pranë marrëveshjes për zgjatjen e kontratës së ish-lojtarit të Monzës deri në vitin 2031.
Detajet e fundit të negociatave
Bisedimet kanë hyrë në fazën përfundimtare dhe mbeten për t’u zgjidhur vetëm detajet e fundit. Çështja kryesore është ndarja mes pagës fikse dhe bonuseve. Kontrata e re pritet të kapërcejë 4 milionë euro, duke përfituar gjithashtu nga lehtësitë fiskale të Dekretit të Rritjes nga viti 2029.
Burimi: telesport.al
