Capello analizon dobësitë e Barcelonës
Ish-trajneri i Real Madridit, Juventusit, Milanit dhe Romës, Fabio Capello, analizoi në studiot e “Sky Sport” dobësitë e Barcelonës së Hansi Flick, duke zbuluar edhe një bisedë interesante me Kylian Mbappé, gjatë mbrëmjes së ndarjes së “Topit të Artë”.
Duke komentuar “El Clasico” e fituar nga Real Madridi, Capello theksoi problemet e katalanasve me kundërshtarët e shpejtë: “Kur Barcelona përballet me skuadra që kanë lojtarë të shpejtë, has vështirësi. Me këtë kurth pozicional të pozicionit jashtë loje në mesfushë dhe gjithë hapësirën që lë pas shpine, skuadra me cilësi teknike si PSG-ja dhe Reali të ndëshkojnë. Ato nuk gabojnë”.
Biseda me Mbappé
Më pas, Capello tregoi bisedën me Mbappé, autor të dy golave në “El Clasico”: “I thashë: Është e lehtë të luash kundër një kundërshtari që e vendos vijën e pozicionit jashtë loje në mes të fushës. Ai m’u përgjigj: Po, dola dy herë në pozicion jashtë loje, por herë të tjera shkova drejt e në portë…”
Burimi: telesport.al
