Legjendë e Bayern Munich dhe e kombëtares gjermane, Oliver Kahn, ka komentuar në studiot e “Sky Sport” thirrjen e Marc-André ter Stegen nga Jürgen Klopp, duke theksuar se mosha nuk është problem për një portier.
Mosha nuk është pengesë
“Nuk kemi pse ta konsiderojmë moshën si pengesë. Na duhet gjithmonë një kombinim i mirë mes lojtarëve të rinj dhe atyre me përvojë. Jens Lehmann ishte edhe më i moshuar në Kampionatin Europian të vitit 2008”, u shpreh Kahn.
Vlerësimi për Ter Stegen dhe boshllëku pas Neuer
Më tej, ai vlerësoi zgjedhjen e Ter Stegen: “Aktualisht duket i qëndrueshëm dhe e ka merituar thirrjen. Por Gjermania nuk ka më një numër 1 absolut, siç ishte Manuel Neuer për shumë vite. Tani duhet ta dëshmojë veten me paraqitjet e tij”.
Kahn shtoi se pas një ikone si Neuer, drejtuesit duhet të shmangin krijimin e një boshllëku në portë. “Për momentin shoh pak portierë që mund të ofrojnë siguri, me përjashtim të Jonas Urbig”.
Burimi: telesport.al
