Kalo te përmbajtja

Lajme të shpejta, të verifikuara dhe të paanshme

Lajm i fundit
Showbiz

Nga Sean Connery te Robert Pattinson: Aktorët që e kanë sjellë James Bond në ekran

Nga Sean Connery te Robert Pattinson: Aktorët që e kanë sjellë James Bond në ekran
Foto: bordo.al

Prej më shumë se gjashtë dekadash, James Bond mbetet një prej personazheve më ikonike të kinemasë. Agjenti sekret 007, i krijuar nga shkrimtari Ian Fleming, ka kaluar në duart e disa prej aktorëve më të njohur, secili duke i dhënë personazhit një identitet të veçantë.

Që nga debutimi në filmin Dr. No në vitin 1962, kostumin elegant të agjentit britanik e kanë veshur gjashtë aktorë në serinë zyrtare të filmave. Tashmë, me konfirmimin e Robert Pattinson si pasardhësi i Daniel Craig, lista shkon në shtatë emra.

Por kush janë aktorët që kanë mishëruar 007 ndër vite dhe cilët filma kanë shënuar rrugëtimin e tyre në këtë rol?

Sean Connery (1962–1983)

Dr. No (1962)From Russia with Love (1963)Goldfinger (1964)Thunderball (1965)You Only Live Twice (1967)Diamonds Are Forever (1971)Never Say Never Again (1983)Sean Connery ishte aktori që solli për herë të parë James Bond në ekranin e madh. Interpretimi i tij elegant, karizmatik dhe autoritar vendosi standardin për të gjithë ata që do të merrnin më pas këtë rol.

Nga Sean Connery te Robert Pattinson: Aktorët që e kanë sjellë James Bond në ekran

Debutimi në Dr. No e shndërroi në një yll të vërtetë, ndërsa filmat e mëvonshëm, veçanërisht Goldfinger, mbeten ndër më të rëndësishmit në historinë e sagës. Edhe pse u largua nga personazhi, Connery u rikthye në vitin 1971 dhe më vonë në Never Say Never Again, një film që nuk bën pjesë në serinë zyrtare të EON Productions.

George Lazenby (1969)

– On Her Majesty’s Secret Service (1969)

Aktori australian George Lazenby pati një eksperiencë të shkurtër si James Bond, duke interpretuar agjentin sekret në vetëm një film. Ai ishte pasardhësi i parë i Sean Connery, por vendosi të mos vazhdonte më tej me personazhin.

Nga Sean Connery te Robert Pattinson: Aktorët që e kanë sjellë James Bond në ekran

Megjithatë, me kalimin e viteve, performanca e tij ka fituar gjithnjë e më shumë vlerësim nga fansat. Filmi mbetet gjithashtu një prej kapitujve më të veçantë të sagës, pasi për herë të vetme Bond martohet, por historia përfundon në mënyrë tragjike me vrasjen e bashkëshortes së tij, Tracy.

Roger Moore (1973–1985)

Live and Let Die (1973)The Man with the Golden Gun (1974)The Spy Who Loved Me (1977)Moonraker (1979)For Your Eyes Only (1981)Octopussy (1983)A View to a Kill (1985)Roger Moore qëndroi për më shumë se një dekadë në rolin e 007, duke u bërë një prej aktorëve më jetëgjatë të sagës. Interpretimi i tij solli një version më të lehtë, ironik dhe plot humor të agjentit sekret, duke i dhënë personazhit një tjetër dimension.

Nga Sean Connery te Robert Pattinson: Aktorët që e kanë sjellë James Bond në ekran

Me shtatë filma në serinë zyrtare, Moore mban rekordin për numrin më të madh të interpretimeve, së bashku me Sean Connery. Filma si The Spy Who Loved Me dhe Moonraker shënuan disa prej momenteve më të spikatura të periudhës së tij si Bond.

Timothy Dalton (1987–1989)

The Living Daylights (1987)Licence to Kill (1989)Pas largimit të Roger Moore, roli iu besua Timothy Dalton. Ai solli një James Bond më serioz, më të rezervuar dhe më të ashpër, duke u larguar nga interpretimi më humoristik i paraardhësit të tij.

Nga Sean Connery te Robert Pattinson: Aktorët që e kanë sjellë James Bond në ekran

Edhe pse qëndroi vetëm në dy filma, Dalton i dha personazhit një qasje më realiste dhe më emocionale. Në fillim, interpretimi i tij nuk u prit njësoj nga të gjithë, por me kalimin e kohës filmat e tij kanë fituar një tjetër vlerësim nga publiku.

Pierce Brosnan (1995–2002)

GoldenEye (1995)Tomorrow Never Dies (1997)The World Is Not Enough (1999)Die Another Day (2002)Pierce Brosnan riktheu James Bond në ekran pas një pauze prej disa vitesh. Me elegancën, sharmin dhe stilin e tij karakteristik, aktori irlandez u shndërrua shpejt në një prej interpretimeve më të dashura për një brez të tërë fansash.

Nga Sean Connery te Robert Pattinson: Aktorët që e kanë sjellë James Bond në ekran

Debutimi i tij në GoldenEye shënoi një kapitull të ri për sagën, ndërsa katër filmat ku interpretoi agjentin 007 e konsoliduan si një prej fytyrave më të njohura të personazhit. Edhe sot, shumë fansa e lidhin imazhin klasik të Bond me interpretimin e Brosnan.

Daniel Craig (2006–2021)

Casino Royale (2006)Quantum of Solace (2008)Skyfall (2012)Spectre (2015)No Time to Die (2021)Daniel Craig i dha personazhit një dimension krejt tjetër, duke sjellë një James Bond më brutal, emocional dhe njerëzor. Debutimi i tij në Casino Royale shënoi një rikthim të fuqishëm të sagës, me një interpretim që u largua nga imazhi tradicional i agjentit gjithmonë elegant dhe i paprekshëm.

Gjatë pesë filmave, Craig eksploroi edhe anën më të ndjeshme të personazhit, duke e bërë historinë e tij më personale dhe më komplekse. Casino Royale dhe Skyfall mbeten ndër filmat më të vlerësuar të ekskluzivitetit. Në vitin 2021, me No Time to Die, ai i dha fund rrugëtimit të tij si agjenti 007.

Robert Pattinson (2026)

Pas muajsh spekulimesh, Robert Pattinson është konfirmuar si aktori i ri që do të interpretojë James Bond. Ai do të jetë protagonisti i filmit të 26-të të sagës, nën drejtimin e regjisorit të njohur Denis Villeneuve.

Aktori britanik, i njohur për rolet në Twilight dhe The Batman, do të marrë stafetën nga Daniel Craig, duke u bërë emri i shtatë në historinë e filmave zyrtarë të EON Productions.

Pattinson dhe Villeneuve kanë bashkëpunuar më herët në filmin e tretë të Dune, një projekt që shihet gjithashtu si një prej faktorëve që mund të ketë ndikuar në këtë përzgjedhje.

Në reagimin e tij pas lajmit, aktori e cilësoi mundësinë për të interpretuar James Bond si një nder të jashtëzakonshëm dhe një ëndërr të bërë realitet. Edhe regjisori Villeneuve u shpreh entuziast për bashkëpunimin, duke theksuar se Pattinson do t’i japë personazhit legjendar një frymë krejt të re.

Kështu, pas më shumë se 60 vitesh histori, James Bond nis një kapitull të ri. Këtë herë, në qendër të vëmendjes është Robert Pattinson, i cili ka përpara sfidën për t’i dhënë identitetin e tij një prej personazheve më të dashur të kinemasë.

Burimi: bordo.al

Të fundit Të gjitha