Moderatori dhe producenti i njohur shqiptar, Ardit Gjebrea, është paraqitur këtë të premte në ambientet e Prokurorisë së Posaçme Kundër Korrupsionit dhe Krimit të Organizuar (SPAK) në Tiranë.
Lajmin e ka raportuar Vox News, i cili ka publikuar edhe pamje nga ambientet e institucionit.
Arsyeja e vizitës nuk dihet ende
Deri tani nuk dihet arsyeja e paraqitjes së moderatorit dhe as cilësia në të cilën është thirrur në SPAK.
Lidhja me financimet e “Kënga Magjike”
Emri i Gjebreas është përmendur më parë në raportime mediatike lidhur me financimet e festivalit “Kënga Magjike” nga Bashkia e Tiranës, gjatë drejtimit të saj nga Erion Veliaj.
Megjithatë, nuk ka ende konfirmim nëse paraqitja e sotme lidhet me këto raportime apo me ndonjë çështje tjetër.
Pritet të mësohen detaje të tjera lidhur me arsyet e vizitës së tij në Prokurorinë e Posaçme.
Burimi: www.kosovarja-ks.com
