Një mesazh i shkurtër nga Kiara Tito ka tërhequr vëmendjen e ndjekësve në rrjetet sociale, veçanërisht për fjalët që moderatorja ka zgjedhur për të shprehur publikisht për bashkëshortin e saj, Luiz Ejlli.
Mesazhi në Instagram
Gjatë një rubrike pyetje-përgjigje në Instagram, Kiara është pyetur për ndjesinë që ka kur sheh Luizin të shprehë hapur dashurinë dhe krenarinë për të. Përgjigjja e saj nuk ka ardhur përmes një mesazhi të zakonshëm, por me një fotografi romantike ku shfaqet duke e puthur në faqe këngëtarin.
Bashkangjitur fotos, ajo ka shkruar:
“E lumtur dhe krenare për burrin tim. Gjithçka e ka kohën e vet. Dhe mos harroni, karma e ka mënyrën e saj për të vepruar.”
Fjalët e saj nuk kanë kaluar pa u vënë re, sidomos përmendja e karmës, që i ka dhënë përgjigjes një tjetër nuancë përtej dedikimit të dashurisë.
Pyetja për emisionin
Kurioziteti i ndjekësve nuk është ndalur këtu. Një prej tyre ka dashur të dijë nëse Kiara do të ulet përballë Luizit në emisionin e tij, duke e pyetur nëse do të ketë një pjesëmarrje në rubrikën “Përballje titanësh”.
Kësaj pyetjeje moderatorja i është përgjigjur vetëm me emoji, pa dhënë asnjë detaj më shumë. Për momentin, mbetet mister nëse Kiara do të jetë pjesë e emisionit të Luizit, apo nëse kjo ide do të mbetet thjesht një dëshirë e ndjekësve.
