Reperi amerikan 50 Cent ka ironizuar sërish rivalin e tij të vjetër, Sean “Diddy” Combs, me rastin e ditëlindjes së tij të 57-të. Ai publikoi në Instagram një fotografi të krijuar me inteligjencë artificiale, ku producenti muzikor shfaqet me flokë të thinjura.
“Gëzuar ditëlindjen e 57-të, Diddy. Të uroj edhe shumë të tjera”, shkroi 50 Cent me ironi në postimin e tij, të cilin e shoqëroi me këngën “Happy Birthday” të Stevie Wonder.
Diddy në burg
Postimi vjen në një kohë kur Diddy ndodhet duke vuajtur dënimin në burgun federal FCI Allenwood në Pensilvani. Sipas raportimeve, data e lirimit të tij është shtyrë sërish dhe tashmë pritet të dalë nga burgu më 6 shkurt 2028.
Përplasja e vjetër
Përplasjet mes dy reperëve vazhdojnë prej vitesh, por u intensifikuan veçanërisht në vitin 2006, pas publikimit të këngës “The Bomb” nga 50 Cent. Ky i fundit ka vijuar ta ironizojë Diddy-n edhe përmes rrjeteve sociale, ndërsa vitin e kaluar publikoi në Netflix dokumentarin me katër episode “Sean Combs: The Reckoning”, ku trajtohen edhe zhvillimet e fundit në çështjen gjyqësore të producentit.
Burimi: lajmifundit.al
