Nëntë pozicione vakante në Ministrinë e Jashtme
TIRANË, 11 nëntor /ATSH/ Ministria për Evropën dhe Punët e Jashtme ka shpallur procedurat e lëvizjes paralele dhe të pranimit në shërbimin civil për nëntë pozicione vakante në kategorinë ekzekutive.
MEPJ informon se vendet vakante përfshijnë pozicione si specialist në Sektorin e Legalizimeve, në Drejtorinë e Çështjeve Konsullore, specialist në sektorin e Organizatave Ndërkombëtare, në Drejtorinë e Organizatave Ndërkombëtare, në Drejtorinë e Përgjithshme të Çështjeve Politike dhe Strategjike, specialist në sektorin e Evropës Lindore dhe Azisë Qendrore, në Drejtorinë e Marrëdhënieve Dypalëshe, në Drejtorinë e Përgjithshme të Çështjeve Politike dhe Strategjike, specialist në Sektorin e Amerikave, Azisë dhe Afrikës, në Drejtorinë e Marrëdhënieve Dypalëshe, në Drejtorinë e Përgjithshme të Çështjeve Politike dhe Strategjike.
Pozicione të tjera të shpallura
Pozicione të tjera vakante të bëra publike në njoftimin e MEPJ janë specialist në sektorin e Amerikave, Azisë dhe Afrikës, në Drejtorinë e Marrëdhënieve Dypalëshe, në Drejtorinë e Përgjithshme të Çështjeve Politike dhe Strategjike, specialist në Drejtorinë e Bashkëpunimit Dypalësh Evropian, në Drejtorinë e Përgjithshme të Çështjeve Politike dhe Strategjike, specialist në Drejtorinë e Bashkëpunimit Dypalësh Evropian, në Drejtorinë e Përgjithshme të Çështjeve Politike dhe Strategjike, specialist në sektorin e Marrëveshjeve Shumëpalëshe, në Drejtorinë e të Drejtës Ndërkombëtare, Detit dhe Traktateve dhe specialist në Sektorin e Marrëveshjeve Dypalëshe, në Drejtorinë e të Drejtës Ndërkombëtare, Detit dhe Traktateve.
Procedura dhe afatet
Procedurat e konkurrimit zhvillohen në dy faza, përmes lëvizjes paralele dhe pranimit në shërbimin civil. Afati i aplikimit për lëvizjen paralele është deri më 21 nëntor 2026, ndërsa për pranimin në shërbimin civil deri më 26 nëntor 2026.
Procedurat e aplikimit, shqyrtimit të kandidaturave dhe njoftimet përkatëse do të administrohen nga Departamenti i Administratës Publike.
Burimi: ata.gov.al
