Kalo te përmbajtja

Lajme të shpejta, të verifikuara dhe të paanshme

Lajm i fundit
Politikë

Deputetja Mehmeti-Selimi: Kosova gati për kontribut në siguri me NATO-n

Deputetja Mehmeti-Selimi: Kosova gati për kontribut në siguri me NATO-n
Foto: albeu.com

Dy deputetet, Shqipe Mehmeti-Selimi dhe Besa Kabashi-Ramaj, ishin të pranishme në sesionin e 72-të të Asamblesë Parlamentare të NATO-s.

Postimi i Mehmeti-Selimit

Mehmeti-Selimi ka publikuar një postim ku tregon për temat e trajtuara dhe për rolin e Kosovës në këtë takim. Ajo vlerëson se Kosova është dhe duhet të mbetet pjesë aktive e diskutimeve dhe proceseve që kanë të bëjnë me sigurinë, paqen dhe stabilitetin rajonal e ndërkombëtar.

Qëndrimi i Kosovës

Në postimin e saj ajo shkruan: “Ne jemi të gatshëm të japim kontributin tonë të drejtpërdrejtë në fushën e sigurisë, si partner i besueshëm i NATO-s dhe i Asamblesë së saj Parlamentare”.

Më poshtë është postimi i plotë i saj:

“Në Berlin, në kuadër të Sesionit të 72-të të Asamblesë Parlamentare të NATO-s, në cilësinë e udhëheqëses së Delegacionit të Kuvendit të Republikës së Kosovës në AP të NATO-s, së bashku me delegacionin tonë, po përfaqësojmë Kosovën në një platformë të rëndësishme të dialogut dhe bashkëpunimit parlamentar.

Pjesëmarrja jonë është dëshmi e përkushtimit për fuqizimin e subjektivitetit ndërkombëtar të Kosovës, avancimin e bashkëpunimit parlamentar dhe riafirmimin e orientimit tonë të palëkundur euroatlantik.

Kosova është dhe duhet të mbetet pjesë aktive e diskutimeve dhe proceseve që lidhen me sigurinë, paqen dhe stabilitetin rajonal e ndërkombëtar. Ne jemi të gatshëm të japim kontributin tonë të drejtpërdrejtë në fushën e sigurisë, si partner i besueshëm i NATO-s dhe i Asamblesë së saj Parlamentare.”

Burimi: www.albeu.com

Të fundit Të gjitha