Kalo te përmbajtja

Lajme të shpejta, të verifikuara dhe të paanshme

Lajm i fundit
Politikë

OSBE-ja takon Gjiknurin dhe Bylykbashin, thirrje për reformën zgjedhore

OSBE-ja takon Gjiknurin dhe Bylykbashin, thirrje për reformën zgjedhore
Foto: top-channel.tv

Kryetari i Presencës së OSBE-së në Shqipëri, ambasadori Michel Tarran, ka kërkuar përparim në reformën zgjedhore, në prag të zgjedhjeve vendore të 9 majit 2027.

Tarran u takua me bashkëkryetarët e Komisionit të Posaçëm Parlamentar për Reformën Zgjedhore, Damian Gjiknurin dhe Oerd Bylykbashin, me të cilët diskutoi hapat që duhen ndërmarrë për vazhdimin e procesit.

Rekomandimet e OSBE/ODIHR-it

Në fokus të takimit ishte zbatimi i rekomandimeve të OSBE/ODIHR-it. Ambasadori theksoi rëndësinë e arritjes së rezultateve para përfundimit të mandatit të Komisionit, më 30 nëntor.

Sipas OSBE-së, këto rekomandime duhet të përmbushen në kohën e duhur, përmes një procesi gjithëpërfshirës dhe ndërpartiak. Ambasadori Tarran theksoi se përparimi në reformën zgjedhore është thelbësor për rritjen e besimit të publikut te proceset zgjedhore.

Angazhimi i OSBE-së

Prezenca e OSBE-së në Shqipëri rikonfirmoi angazhimin për të mbështetur dialogun politik konstruktiv dhe një proces gjithëpërfshirës të reformës zgjedhore, në prag të zgjedhjeve vendore të vitit 2027.

Ndërkohë, nesër do të tentohet sërish një mbledhje e Komisionit të Reformës, ku do të shihet nëse arrihet një marrëveshje mes palëve.

Burimi: top-channel.tv

Të fundit Të gjitha