Kryetari i Grupit Parlamentar të Partisë Socialiste, Taulant Balla, pas takimit konsultativ me Presidentin e Republikës, Bajram Begaj, për përcaktimin e datës së zgjedhjeve vendore të 2027, deklaroi se Partia Socialiste u bën thirrje të gjitha forcave dhe lëvizjeve politike që të marrin pjesë në zgjedhjet vendore të vitit 2027.
Taulant Balla mbi bojkotin e zgjedhjeve
Balla theksoi se bojkoti i zgjedhjeve nuk përbën zgjidhje, duke nënvizuar rëndësinë e pjesëmarrjes së të gjithë aktorëve politikë në procesin zgjedhor.
“Partia Socialiste i bën thirrje të gjitha forcave dhe lëvizjeve politike të marrin pjesë në Zgjedhjet Vendore 2027. Bojkoti i zgjedhjeve nuk është zgjidhje!”, u shpreh Balla.
Propozimet për datën e zgjedhjeve vendore
ABC News mëson se PSD ka propozuar datën 9 maj 2027, sot te Presidenti, si datë për mbajtjen e zgjedhjeve vendore, ndërkohë që PS mbetet e hapur për çdo datë nga 15 prilli me 15 maj, me përjashtim të datës 2 maj, që përkon me një festë fetare./abcnews.al
Burimi: abcnews.al
