TIRANË, 12 nëntor/ATSH/ Gjatë pasdites së sotme, në qarqet Shkodër dhe Kukës parashikohen reshje mesatare, lokalisht të forta, të shoqëruara me shtrëngata.
Parashikimi për ditën e nesërme
Sipas Institutit të Gjeoshkencave dhe Shërbimit Meteorologjik Ushtarak, ditën e nesërme, më 13 nëntor, priten reshje të forta deri lokalisht shumë të forta në qarqet Lezhë, Durrës, Vlorë dhe Gjirokastër.
Rreziqet dhe masat e marra
Për shkak të reshjeve, në disa zona urbane mund të ketë grumbullime të përkohshme uji, ndërsa në zonat malore ekziston rreziku i vërshimit të përrenjve dhe rrëshqitjeve të dherave.
Agjencia Kombëtare e Mbrojtjes Civile u ka kërkuar strukturave vendore të marrin masa parandaluese, të monitorojnë zonat me risk dhe të mbajnë në gatishmëri kapacitetet për ndërhyrje.
Gjithashtu, qytetarëve u bëhet thirrje të tregojnë kujdes gjatë lëvizjeve dhe të ndjekin njoftimet zyrtare për situatën meteorologjike.
/gj.m/r.e/
Burimi: ata.gov.al
