Bordi i Transparencës ka vendosur të rrisë përsëri çmimet e karburanteve në vend. Nafta është shtrenjtuar me 5 lekë për litër, ndërsa benzina me 1 lek. Çmimet e reja do të hyjnë në fuqi sot, më 12 nëntor, në orën 18:30.
Çmimet e reja për naftën dhe benzinën
Sipas vendimit të Bordit, çmimi maksimal i naftës me pakicë do të jetë 210 lekë për litër, nga 205 lekë që ishte më parë. Benzina do të shitet jo më shumë se 165 lekë për litër, nga 164 lekë.
Për shitjen me shumicë, çmimi i naftës është caktuar 198 lekë për litër, ndërsa ai i benzinës 153 lekë për litër.
Çmimet për gazin dhe naftën e peshkimit
Çmimi i gazit për automjetet do të jetë 71 lekë për litër me pakicë dhe 59 lekë për litër me shumicë. Ndërsa nafta për aktivitetin e peshkimit do të kushtojë 114 lekë për litër.
Çmimet e reja do të jenë në fuqi deri në mbledhjen e ardhshme të Bordit të Transparencës.
Bordi u ka kërkuar të gjithë operatorëve të tregtimit të karburanteve të zbatojnë vendimin, duke paralajmëruar se në rast shkeljesh do të vendoset pezullimi i aktivitetit.
Burimi: kohajone.com
