Ambasadori i Britanisë së Madhe në Kosovë, Jonathan Hargreaves, ka zhvilluar një takim me kryetaren e Kuvendit të Kosovës, Albulena Haxhiu. Gjatë takimit ata kanë diskutuar punën legjislative që pret Kuvendin dhe proceset e rëndësishme politike në vend.
Reformat evropiane dhe rritja ekonomike
Sipas një njoftimi të Hargreaves, në takim është diskutuar progresi në zbatimin e Agjendës së Reformave të Bashkimit Evropian dhe Planit të Rritjes.
Strategjia për procesin e ankesave
Një tjetër temë ishte strategjia shtetërore për procesin e ankesave pas aktgjykimit të Dhomave të Specializuara të Kosovës. Ambasadori britanik theksoi se kjo strategji duhet të jetë në interesin më të mirë të Kosovës, duke respektuar njëkohësisht zotimet ndërkombëtare dhe sundimin e ligjit.
Burimi: pressonline.al
