Ministrja e Ekonomisë, Artane Rizvanolli, ka paralajmëruar një dimër me sfida të mëdha energjetike për Kosovën. Sipas saj, çmimi i rrymës ka arritur shifrën e 500 eurove për megavat-orë në fillim të nëntorit. Ajo e ka krahasuar situatën aktuale me krizën energjetike të vitit 2021, kur çmime të tilla ishin regjistruar në kulmin e dimrit.
Shkaqet e rritjes së çmimit
Ministrja deklaroi se kjo rritje vjen si pasojë e luftës në Iran dhe bllokimit të Ngushticës së Hormuzit.
Rizvanolli ka deklaruar se edhe Kosova po përballet me sfida, sidomos për shkak të bllokut B1 të Termocentralit Kosova B. Ky bllok është jashtë funksionit që nga 6 prilli, për shkak të investimeve në elektrofiltra dhe sistemin e deazotizimit.
Masat e marra
Si masë për përballimin e situatës, ministrja ka bërë të ditur se kapacitetet interkonektive me Shqipërinë, Malin e Zi dhe Maqedoninë e Veriut janë rritur për 350 megavat në total.
Burimi: insajderi.org
