Tensione të ashpra u shfaqën në Asamblenë e Përgjithshme të Kombeve të Bashkuara, aty ku përfaqësuesi amerikan Mike Waltz u përball me ministrin e Jashtëm kubanez, Bruno Rodríguez Parrilla, gjatë diskutimit mbi embargon që Shtetet e Bashkuara kanë vendosur ndaj ishullit.
Përplasja filloi kur diplomati kubanez iu afrua podiumit dhe ndërpreu fjalën e Waltz-it, i cili po akuzonte qeverinë e Kubës për korrupsion dhe për pasurimin e udhëheqësve të saj në dëm të popullit.
Përplasja mes Waltz dhe Rodríguez Parrilla
“E di që nuk të pëlqen ta dëgjosh këtë. Kjo është Amerika, miku im. Këto janë Kombet e Bashkuara. Kjo nuk është diktatura jote komuniste. Nuk mund të më mbyllësh gojën”, deklaroi ambasadori amerikan, duke reaguar me ashpërsi ndaj ndërhyrjes së delegacionit kubanez.
Tensionet u rritën më tej ndërsa ministri i Jashtëm kubanez vazhdoi t’i afrohej podiumit, ndërkohë që presidenti i Asamblesë së Përgjithshme u përpoq të rivendoste rendin në sallë.
“Ky njeri duhet të hiqet nga podiumi. Ai nuk do të më frikësojë në Shtetet e Bashkuara të Amerikës. Unë jam përfaqësuesi i Shteteve të Bashkuara të Amerikës. Largohuni! Kjo nuk është Havana”, tha Waltz.
Burimi: gazetashqiptare.al
