Analisti Poli Hoxha, në emisionin Prime News24, foli për Policinë e Shtetit dhe hodhi akuza të forta.
Sipas tij, ka oficerë dhe drejtues policie që janë bërë milionerë dhe që mbrojnë llotot dhe aktivitete të tjera të paligjshme. Ai tha se një situatë e tillë kriminale nuk ka ekzistuar në policinë shqiptare prej 36 vjetësh.
Varësia politike e policisë
Hoxha theksoi se efektivët janë të politizuar në masë të madhe. Sipas tij, kjo problematikë ka ekzistuar gjithmonë, por tani kontrolli politik është forcuar.
Ai pretendoi gjithashtu se policë në shërbim të krimit të organizuar nuk kanë ekzistuar kurrë më parë në këtë formë, dhe se disa testime për drogë janë ndërprerë. Sipas tij, në Repartin Shqiponja disa efektivë janë ose nën ndikimin e drogës ose të alkoolit.
Demoralizimi i efektivëve
Analisti tha se kur një polic që punon gjithë ditën sheh shefin e tij milioner, ai demoralizohet. Ai shtoi se sot policët filmojnë edhe njerëz nëpër rrugë, një praktikë që, sipas tij, po e bën policinë të duket si një organizatë e frikësuar.
Burimi: www.balkanweb.com
