Të enjten, më 12 nëntor, ish-bashkëshorti i të ndjerës Arlinda Zekajt, Jeton Sylaj, do të dalë para gjykatës nën dyshimet për veprën penale të kanosjes.
Megjithatë, përballja e tij me drejtësinë nuk do të jetë e hapur për mediat dhe opinionin publik, pasi gjykata ka marrë vendim që seanca dëgjimore të zhvillohet tërësisht me dyer të mbyllura.
Seanca e mbyllur për publikun
Kjo vendim është konfirmuar edhe nga gjykata, pa dhënë arsyetim pse seanca nuk do të jetë e hapur.
“Ju njoftojmë se seanca fillestare në çështjen penale ndaj të pandehurit J.S, është caktuar të mbahet me datë 12.11.2026, mirëpo e njëjta është e mbyllur për publikun.”
Aktakuza ndaj Sylajt
Më 23 tetor 2026, Prokuroria Themelore në Pejë ngriti aktakuzën ndaj Sylajt.
Ai akuzohet se e kishte rrahur e kërcënuar me vdekje Arlindën, para se të ndodhte vrasja makabre e saj me sëpatë nga kunati, vëllai i tij, Albert Sylaj.
Burimi: insajderi.org
