Një aksident i rëndë ka ndodhur në aksin kombëtar Qukës–Prrenjas, pranë urës së Torromanit, ku dy automjete u përplasën me njëra-tjetrën. Goditja e fortë përfundoi me daljen e të dyjave jashtë rrugës.
Një nga drejtuesit e mjeteve mbeti i plagosur dhe u transportua në spital për marrjen e ndihmës mjekësore.
Përplasja shkaktoi dëme të konsiderueshme materiale, pasi të dy automjetet u shkatërruan rëndë. Shkak i mundshëm i aksidentit konsiderohet lagështia në rrugë.
Ndërhyrja në vendngjarje
Në vendngjarje u kërkua ndërhyrja e zjarrfikësve, për largimin e automjeteve dhe pastrimin e karburanteve dhe vajrave të derdhura në asfalt. Këto substanca mund të rrezikojnë qarkullimin dhe të shkaktojnë aksidente të tjera.
Burimi: kohajone.com
