Gjendja shëndetësore e Musialës
Situata e Jamal Musialës shkakton shqetësim të madh në Mynih. Të fikëtit e papritur që pësoi futbollisti gjerman gjatë verës zbuluan një problem shëndetësor të njohur deri atëherë vetëm nga Bayerni dhe rrethi i tij i afërt.
“Jam diagnostikuar me episode të shkurtra dhe të përkohshme epilepsie, të shkaktuara nga një mosfunksionim neurologjik”, kishte shpjeguar Musiala në rrjetet sociale, pas episodit të dytë.
Shqetësimi i Bayernit
Presidenti i nderit i Bayernit, Uli Hoeness, ka shprehur shqetësimin për të ardhmen e tij: “Jemi përballë një dileme me të. Vuan nga një sëmundje që nuk është e lehtë të shërohet”.
Musiala vazhdon t’i nënshtrohet kontrolleve të rregullta, por Hoeness ngre pikëpyetje nëse ai do të rikthehet në nivelin e mëparshëm: “Nuk e dimë nëse do ta rifitojë ndonjëherë formën që kishte”.
Kontrata dhe mbështetja e klubit
Megjithatë, Hoeness këmbëngul se klubi duhet ta mbështesë dhe t’ia respektojë plotësisht kontratën: “Imagjinoni sikur Bayerni të vinte tani në diskutim kontratën e tij, duke thënë se ajo që mund të bëjë aktualisht nuk përputhet me kushtet e saj”.
Burimi: telesport.al
