Këngëtari i ri Ges Rabo do të ngjitet këtë vit në skenën e “Këngës Magjike” me projektin e tij muzikor “Hije”, një këngë që ka, sipas tij, një domethënie të veçantë jo vetëm artistike, por edhe personale.
Në një intervistë ekskluzive për Revista Bordo, Ges Rabo tha se ky projekt përfaqëson një ndërthurje të dy botëve të tij muzikore, këndimit dhe rrepit, dhe e cilësoi si një këngë me peshë të rëndësishme në repertorin e tij.
Një dedikim me kuptim personal
Kur u pyet nëse “Hije” është një dedikim për dikë të veçantë, këngëtari e konfirmoi këtë, duke lënë të kuptohet se personi të cilit i drejtohet kënga është në dijeni të saj.
“Sigurisht. Është e pritshme nga unë, kështu që besoj se po”, u shpreh ai.
Zgjedhja e skenës
Ges Rabo tregoi gjithashtu se dëshironte që kënga të prezantohej në një skenë të madhe dhe se pikërisht këtë kishte imagjinuar që në momentin kur e kishte menduar projektin. Zgjedhja e “Këngës Magjike” përputhet, sipas tij, me atë që kishte vizualizuar për “Hije”.
Më shumë rreth këngës, domethënies së saj dhe rrugëtimit të tij artistik, Ges Rabo rrëfehet në intervistën e plotë për Revista Bordo.
Burimi: bordo.al
