Loredana Brati ka nisur rrugëtimin e saj si prezantuese e edicionit të pestë të ‘Big Talk’, në kuadër të Brother VIP Kosova, por që në puntatën e parë nuk arriti t’i shpëtonte një momenti që u komentua gjerësisht në rrjetet sociale.
Gjatë spektaklit të parë, të mbajtur të shtunën, ajo harroi t’ia përmendte emrin njërit prej të ftuarve, duke krijuar një situatë të sikletshme në transmetim.
Momenti që u shpërnda në rrjete
Ky moment u shpërnda me shpejtësi në rrjetet sociale, ku përdoruesit reaguan me komente të ndryshme, ndërsa nuk munguan as memet që u krijuan në lidhje me gafën e prezantueses.
Reagimi i Loredanës dhe i opinionistes
Ndonëse mund të ketë qenë pasojë e emocioneve dhe përgjegjësisë së një roli të ri, kjo ishte gafë e parë e Loredanës që në nisje të këtij edicioni.
Ajo më pas kërkoi falje për situatën, teksa opinionistja Sara Kolami u përpoq ta kalonte momentin me qetësi dhe të vazhdonte rrjedhën e spektaklit.
Burimi: insajderi.org
