Deputetja e Partisë Demokratike, Jorida Tabaku, ka dhënë një reagim pas mbledhjes së Grupit Parlamentar të Partisë Socialiste që u zhvillua në Kryesinë e Kuvendit.
Në një video-mesazh të publikuar në rrjetet sociale, Tabaku ka deklaruar se kryeministri Edi Rama është i rrethuar nga qindra policë, pasi sipas saj ai ka frikë nga populli.
Duke theksuar se koha e kryeministrit Rama ka marrë fund, Tabaku u shpreh se deputetët e tij gjatë kësaj jave ndodhen në ‘arrest shtëpie’, sepse sipas saj, populli nuk i përkrah më.
Reagimi i Tabakut:
Një kryeministër në ikje, i cili rrethohet nga qindra policë sepse ka frikë nga populli, ka shkuar sot në Kryesinë e Kuvendit për të mbledhur grupin parlamentar të Partisë Socialiste.
Deputetët e tij ndodhen prej një jave në «arrest shtëpie», sepse Shqipëria nuk i do më.
Është e kotë të lodhet! Koha e tij ka përfunduar
Burimi: sot.com.al
